بەڕێوەبەرایەتیی کۆنتڕۆڵ جۆریی دەرمان و پێداویستیی پزیشکی سەبارەت به ئەم دوو دەرمانه ساختەیه، لایەنه پەیوەندیدارەکان ئاگادار دەکاتەوه.

پاڵپشت به هەردوو نووسراوی وەزارەتی تەندروستی عێراق به ژمارەکانی (٢٩٩٧٢) و (٤٦٠٤٤) له هەردوو رێکەوتی (٣/٦/٢٠١٨) و (٨/٨/٢٠١٨)، ئاگاداری گشت لایەنه پەیوەندیدارەکان دەکەینەوه که ئەو دوو دەرمانە گشت تایبەتمەندییەکانی له خوارەوه دیاری کراون، دەرمانی ساختەن و هیچ کاریگەرییەکی چارەسەریی نییه بۆ نەخۆش.

تیمەکانی چاودێری بازاڕی بەڕێوەبەرایەتیەکەمان، چاودێری وردی بازاڕەکانی هەرێم دەکەن و له ئەگەری هەبوونی هەر یەکێک لەم دەرمانه ساختانه، رێکاری پێویست دەگیرێتەبەر، هەروەها هەر هاوڵاتیەک یان ستافی تەندروستی ئەم دەرمانانەی بینی، دەتوانێت ئاگاداری بەڕێوەبەرایەتییەکەمان بکاتەوه.