ژەم و شێوەی دەرمانسازی: • حەب: ١٠٠ مگم.

ژەم و شێوەی دەرمانسازی:

• حەب: ١٠٠ مگم.

  بەکارهێنان و ژەمی دەرمان:

• پێگەیشتووان:

• چارەسەرکردنی نەخۆشی شەکرە_جۆری دوو:

•  دەستپێکردن بە ١٠٠ مگم رۆژانە یەکجار.
• ئەگەر لەگەل دەرمانی تری چارەسەرکردنی نەخۆشی شەکرە بەکارهات وەک میتفۆرمین دابەشدەکرێت بەسەر چەند ژەمێکدا کە پزیشکی تایبەتمەند بڕیاری لەسەر دەدات.

   

• منداڵان: نادرێت.

   

• ژەمی دەرمان بەپێی فرمانی گورچیلەکان:

• CrCl ˂ ٥٠ مل \ خولەک : کەمکردنەوەی ژەمی دەرمانەکە پێویست ناکات.
• CrCl =٣٠ – ٥٠ مل \ خولەک : ژەمی دەرمانەکە ٥٠ مگم رۆژانە یەکجار.
• CrCl ˃ ٣٠ مل \ خولەک : ژەمی دەرمانەکە ٢٥ مگم رۆژانە یەکجار.

  دووگیانی:

• پۆلی D .
• لەکاتی  دووگیانی: نابێت بەکاربهێندرێت.
• لەکاتی شیرپێدان: نابێت بەکاربهێندرێت.

  خۆبەدوورگرتن لە بەکارهێنان:

• بۆ ئەو نەخۆشانەی نەخۆشی گورچیلەیان هەیە دەبێت ژەمی دەرمانەکەیان بەگوێرەی پلەی دابەزینی فرمانی گورچیلە کەمبکرێتەوە .
• بەرزی شەکرەی ترشێتی کیتۆنی لە جۆری شەکرەی یەک.

   

  کاریگەری لاوەکی:

• ١-١٠%:

• هەوکردنی ناوپۆشی قوڕگ و لوت.
• سکچوونی.
• سەرئێشە.
• قەبزی.
• ئاوسان.
• هێڵێنجدان.
• هەوکردنی جومگەکانی ئێسک.
• هەوکردنی رێڕەوی میزکردن.

   

• کەمتر لە ١%:

• دروستبوونی هەندێک حاڵەتی هەستیاری.
• بەرزبوونەوەی ئەنزیمەکانی جگەر.
• کەمێک تێکچوونی گەدە و بەشی سەرەوەی هەناو و هێڵنجدان و ڕشانەوە.
• خراپکردنی فرمانی گورچیلەکان.
• هەوکردنی لەپڕی پەنکریاس.
• ئازاری ماسولکە و جومگەکان.
• ئازاری پشت.

  رێنمایی دەرمانساز بۆ نەخۆش:

• پێویستە بەگوێرەی رێنمایەکانی پزیشک و دەرمانساز دەرمانەکەت بەکاربێنیت رۆژانە لە کاتی خۆیدا.
• دەبێت دەرمانەکە بەراوێژ و رەچەتەی پزیشکی تایبەتمەند وەربگیرێت دوای پشکنین و دەستنیشانکردنی نەخۆشیەکەت.
• پێویستە دەرمانەکەت دوای نان بخۆیت بەگوێرەی رێنمایی پزیشک و دەرمانساز.
• نابێت لە خۆتەوە ژەمی دەرمانەکەت زیاد بکەی، ئەگەر دەرمانەکە سوددی نەبوو سەردانی پزیشکەکەت بکە.
• پێویستە دەرمانەکەت مانگانە بکڕیتەوە و نابێت دەرمانەکەت ببڕێت.
• پێویستە لەگەل بەکارهێنانی دەرمانی نەخۆشی شەکرە وەرزش و رێجیم بکەی بەگوێرەی ئەو رێنمایەی پزیشکی تایبەتمەند بۆت دادەنێت.
• نابێت لەخۆتەوە دەرمانەکانت بگۆڕی یان وازلێبێنیت چونکە نەخۆشی شەکرە ئەگەر چارەسەرنەکرێت دەبێتە هۆی لاوازکردنی دەمارەکان و بۆڕیەکانی خوێن و نەخۆشی گورچیلە و دڵ و لەدەستدانی چاو.
• پێویستە چاودێری رێژەی شەکری خوێنت بکەی لە ماڵەوە لە رێی ئامێری پشکنینی تایبەتەوە لانی کەم حەفتەی دوو جار تاوەکوو شەکرەی خوێنت کۆنتڕۆڵ دەبێت.
• پێویستە ٣ مانگ جارێک پشکنینی تایبەتی هیمۆگلۆبینی خوێن (HbA1C) بکەی لە تاقیگە بۆ زانینی ئاستی رێژەی شەکری خوێنت.
• لەگەل بەکارهێنانی دەرمانەکە پێویستە چاودێری کێش و رێژەی شەکری خوێن و ئارەقەکردنەوە و دەستلەرزین بکەی و لەکاتی سەردانی پزیشک زانیاریەکانی خۆتی پێبدەیت.
• پێویستە سەردانی نزیکترین بنکەی تەندروستی یان نەخۆشخانە یان پزیشکەکەت بکەی لە کاتی بوونی هەر نیشانەیەکی هەستیاری و هەوکردن و نیشانەکانی هەڵامەت.
• بۆ قەرەبووی ژەمی دەرمانی لە بیرکراو دوو حەب بەکارمەهێنە.
• لە کاتی دەرکەوتنی هەر کاریگەریەکی لاوەکی مەترسیدار پێویستە سەردانی دەرمانساز یان دکتۆرەکەت بکەی.
• دەرمانەکەت لە شوێنێکی فێنک و دوور لە تیشکی خۆر و دەستی منداڵ هەڵبگرە.