له‌و کۆبوونه‌وه‌یه‌دا به هه‌ماهه‌نگی ئه‌نجومه‌نی وه‌زیران و هه‌ریه‌ک له وه‌زیری ته‌ندروستی و وه‌زیری پلاندانانی حکومه‌تی هه‌رێمی کوردستان بڕیار له‌سه‌ر چه‌ند خاڵێک درا...
له‌و کۆبوونه‌وه‌یه‌دا به هه‌ماهه‌نگی ئه‌نجومه‌نی وه‌زیران و هه‌ریه‌ک له وه‌زیری ته‌ندروستی و وه‌زیری پلاندانانی حکومه‌تی هه‌رێمی کوردستان بڕیار له‌سه‌ر چه‌ند خاڵێک درا
کەبریارەکان بریتین له:
1- بریاردرا تاقیگه‌ی خۆراکی ناوه‌ندی سه‌ر به ده‌سته‌ی پێوانسازی و کۆنترۆڵی جۆری که سه‌ر به وه‌زاره‌تی پلاندانانه به ته‌واوی کارمه‌ندانیه‌وه راده‌ستی وه‌زاره‌تی ته‌ندروستی بکرێت.
2- هه‌روه‌ها سێ ئۆتۆمبێلی ساردکه‌ره‌وه‌ی نوێ درا به وه‌زاره‌تی ته‌ندروستی.
3- پێدانی 4ئامێری پێوانه‌کردنی تیشک به وه‌زاره‌تی ته‌ندروستی له‌لایه‌ن هه‌مان ده‌سته‌وه. هه‌روه‌ک له راگه‌یه‌ندراوه‌که‌دا هاتووه: "وه‌زیری ته‌ندروستی سه‌ره‌ڕای سوپاس گوزاری و به‌رز نرخاندنی هه‌ڵوێستی وه‌زاره‌تی پلاندانان و ده‌سته‌ی پێوانه‌سازی بڕیاردرا به دامه‌زراندنی سیسته‌می چاودێری بازاڕ (MARKET SURVEILLANCE) و ژماره‌ی ئه‌و پشکنینانه زیاد بکات که بۆ خواردن ده‌کرێت به تایبه‌تی مه‌وادی پارێزه‌ر که هۆکاری گرنگی نه‌خۆشیه‌کانه به‌تایبه‌تی نه‌خۆشی شێرپه‌نجه."